Është shumë e vështirë që kinezët të shprehin ndjenjat e tyre dhe sidomos të shqiptojnë “Të dua”.

Ky konkluzion doli në dritë nga gazeta “China Daily”, e cila publikoi disa fotografi të familjeve kineze, duke komentuar marrëdhëniet e tyre familjare.

Fraza “Të dua” i huton kinezët dhe fakti që kjo frazë ka qenë e ndaluar nga regjimi i Mao Ce Dunit, i ka rezervuar akoma më shumë ata për të shprehur ndjenjat e tyre.

“China Daily” publikoi 30 fotografi në të cilat një prind dhe vajza e tij dilnin në fotografi bashkë çdo vit për plot 30 vjet.

Në fotografinë e parë dukej babai teksa mbante nga dora të bijën, ndërsa në foton e fundit, e bija mbante nga krahu babain e moshuar.

Por edhe pse marrëdhëniet e tyre at e bijë ishin shumë të mira, ata asnjëherë nuk i thanë njëri –tjetrit frazën ‘të dua”. As ai nuk i tha të bijës: “Vajza ime, të dua” duke i treguar dashuri prindërore dhe anasjelltas.

Pra, mesa duket kinezët i mëshojnë më shumë faktin që dashuria shprehet me veprime dhe jo fjalë. Ndërkohë që edhe gjatë regjimit të Maos, dashuria duhej të shprehej vetëm për atdheun, për partinë dhe për punën./Arbresh.imfo/